مسيرات رد كرامة الطعمية المصرية وتعليم القطريين ازاي المصريين بيدقو المتطاولين علي كرامة مصر زي ما بندق الطعمية المصرية ( متنسوش ايد الهون ) سبق لي ايام الشباب والشقاوة اني دقيت المدعو حمد بن جاسم القطري علقة سخنة في منزل بنت خالته الكائن بشارع بروندز بري بارك بالعاصمة البريطانية لندن منذ ١١ عام لتلفظه بلفظ خارج علي شعب مصر ولم يخلصه من يدي غير بنت خالته وصديقته اللبنانية التي تعيش في لندن ونجلة مليونير لبناني يعمل في تجارة الالماس ، وضربته اكثر من عشرين قلم وقفا ملو حتي نام علي الارض ولولا اني مليش في الخشن كان الامر تطور لاكثر من الضرب علي القفا لكن حظه كويس ومليش في الخشن والحمد لله وبعد تطاول اقزام قطر علي كرامة مصر ومعايرتها بالطعمية المصرية التي هي شرف لنا ان ناكلها ونحن رجال بكرامة وعزة لذلك ادعوكم لمسيرات رد الكرامة المصرية وتعليمهم ان المصري بيدق اي متطاول علي كرامة بلده زي ما بندق الطعمية المصرية وممكن نقليه كمان وممكن نكله ني او محمر ١- سيتم تنظيم مظاهرات الكرامة يوم الاحد القادم ١٤ ابريل الساعة ١ ظهرا يعني تكون السفارة والبنوك فاتحين وفي عز الضهر ٢- ستكون المظاهرات امام السفارة القطرية وامام مقر قناة الجزيرة القطرية علي كورنيش العجوزة ( مركز التجسس علي مصر ) وامام جميع فروع بنك الاهلي سوستيه جنرال اللي سرقتها قطر في القاهرة والمحافظات ٣- الخروج يكون بادوات دق الطعمية المصرية وهي (ايد الهون المصري) يمكن يعجبهم ايد الهون لان ليه استخدامات اخري متعددة للي يتطاول علي كرامة مصر وشعبها غير دق الطعمية المصري نرجو من جميع القوي الثورية المشاركة في مسيرات ومظاهرات رد الكرامة المصرية ودق كل من يعتدي علي كرامة مصر خليكو رجاله ووروهم العين الحمرة وان كرامة مصر فوق الاقزام محدش ينسي ايد الهون لانهم بيموتو فيها واعتقد انكم جميعا مش اقل وطنية ولا شجاعة من عمر عفيفي اللي مستحملش كلمه من هذا القزم القطري ( اعتذر عن بعض الالفاظ ولكن معلش سامحوني مش قادر استحمل سفالة الاقزام وتطاولهم علي بلدي وكرامتنا ، ارجوكم المعذرة ) العقيد عمر عفيفي الاربعاء ١٠ ابريل ٢٠١٣ للتواصل والمتابعة علي صفحتي الجديدة علي الفيستوف الروسي vk اضغط علي الرابط وسجل نفسك وضيفني سيتم اضافتك فورا وسنتواصل صوت وصورة ولا الحوجة للفيس بوك الامريكاني

Теги: مصر قطر مظاهرات

Теги других блогов: مصر قطر مظاهرات